368 TAUN TATAR GALUH CIAMIS DINA PUISI : Katresna Ti Urang Lembur

368 TAUN TATAR GALUH CIAMIS DINA PUISI : Katresna Ti Urang Lembur

O Acav A    22.56    Comment   

WASTA DALEM CIAMIS DINA PUISI
Sanggian AIP SARIPUDIN

Eunteung salira
Na lalakon nu tos kasorang
Galuh Ciamis na galuh salira bakal nanjung
Kukuh tur pengkuh kana jangji
Obahna sarakan Galuh ti waktu ka waktu
Nyaangan tatar Sunda

Karéta bener amanat Wastukancana
Obor pikeun lumampah sabilulungan sajajaran
Moal unggut kalinduan, moal gedag kaanginan
Ajeg panceg keur nanjeurkeun Karatuan Galuh Ciamis
Rempug jukung silih asah silih asih silih asuh
Alloh nu murbéng alam, muga nyarengan léngkah salira


Padépokan Apun Pager Gunung
1 Juli 2010
diterbitkan dalam surat kabar lokal

PUISI SUNDA : Dulur

PUISI SUNDA : Dulur

O Acav A    22.49    Comment   

DULUR
Karya AIP SARIPUDIN


Dulur ...
Pangjagakeun taneuh warisan luluhur
Tina pangrobea jeung tarekahna durujana
Geuingkeun turunan urang seuweu siwi ki sunda nu masih morongkol

     Diharudum simbut teu purun
     Sunda padungdung tarung
     Ngayonan sagala kasarakahan

Tumpas saha-saha nu dileka, codeka sing aya tapakna
Lamun sunda geus balik ka asalna
Iuh-iuh tangkal tanjung ngiricikna cai walungan
Sarta hejo lembok geus walatra kasasaban sasana kréta
Kaula mo hariwang mun mulang ka kalanggengan


Karangkamulyan, 02 Juni 2010